LIZARTZA 1: 3321 m "topo", 465 m desnibela.

2018-10-13, Larunbata.

Lizartzara egin ditugun azken irteeratan ez dugu topografia egiteko aukerarik izan. Denbora falta dela, edota neurgailuekin suertatu zaizkigun arazoak direla eta, Lizartzan egin dugun bidea zehaztu ezinik izan gara. Badaukagu gogoa norabidea eta zein sakoneratan gauden jakiteko!

Esplorazio punta. -465m.

Kortakogainen utzi dugu “Pajeroa” betiko moduan. Aspaldian kanpoan sendo jateko ohitura hartu dugu ezer prestatzen hasi baino lehenago. Oraingoan patata tortilla eta guzti! Bigarren bat ere badugu barruan jateko!

Taldeko wasapera azkenengo mezu bat bidali dugu koban sartu baino lehenago: “Irteera 4tan, alarma 7tan”. Bueltan; taldekideen animo mezuak. Denak jarraian irakurtzerakoan barrea irten zaigu: Frentera goazela dirudi!!

11:15ak aldera Atxuriko miñarako bidean gaude. Gaurko helburua esplorazioa jarraitzea eta “puntaraino”  topografia egitea izango da. Ea oraingo honetan zortea dugun!

14:30ak aldera azken topo tokira iritzi gara. Bi taldekideren artean topoa egingo dugu hirugarrenak bidea ekipatzen eta esploratzen duen bitartean. 

Esploratu gabe dugun puntura heldu garenean erabaki bat hartu beharrean gaude: bi galeria ditugu aurrean. Zein? ”Eskumakoa” hartzen dugu. Galeria lehorragoa da (urarekin nazkatuta gaudelako agian?).

5, 13, 5 eta 7 metrotako saltoak jaitsi eta bat-batean kolada handi batekin topo egiten dugu, ia galeria osoa goitik behera hartzen duena. Eta azpian ur putzu handi bat! Badirudi galeriak aurrera jarraitzen duela baina aukera bakarra uretan sartzea da! Beste batean izan beharko da ordea …

Datorren irteeran “ezkerreko” bidea hartuko dugula eta, bidegurutzeraino dena desekipatzea erabaki dugu; plakak izan ezik. Bigarren patata tortilla jan, koban utziko dugun materialaren inbentarioa egin, vivac posible baterakoko galeria bat ikusi eta kanporako bidea hartu dugu.

05:20tan, hego haize epelarekin, kanpoan gaude. Taldeko wasapera mezu laburra: "Irten gara. Dena ondo". Minutu bat ez da pasa ta taldekieen erantzunak! Hauek bai meritua!!

Afaria!!