LIZARTZA 1 DESEKIPATZEN.

2018/05/19, Larunbata.

Asteburu honetan Lizartza 1era bueltatu gara -280 metroko sakonera arte  leizea desekipatzera. Nahiz eta zonalde honetan oraindik esploratu gabeko galeriak izan, gure burua puntako esplorazioan jarria dugu (-400 metroko sakoneran) eta momentuz galeria hauek alde batera ustea pentsatu dugu. Esploratuko ditugu beranduago!

Larunbatean 11:00 aldera sartu ginen kobara eta 13:30 aldera -280 metrotako sakonerara heldu ginen. Argazki batzuk atera genituen eta koba desekipatzen hasi ginen. Poliki-poliki goraka egin genuen argazkiak atera, petateak materialez bete eta instalazio fitxa egiten gindoazen bitartean. Era berean, hurrengo baterako esploratzeko interesgarriak izan daitezken zonaldeak ere apuntatu genituen.

Azkenean gaueko 23:00 aldera kanpora heldu ginen materialez betetako sei petatekin. Goiz, Lizartzan izaten ditugun ordutegiak kontuan izanda!

Eguna, goizeko 01:00etan “Txinoan” Kebab bat jaten bukatu genuen!! Tripa eta helburua beteta!!